Posts by Yop:

    Mataas ni pinuno ng kilusang komunista arestado sa QC

    November 8th, 2018

    Ni Santiago Celario

    NDFP condemns arrests of Vicente Ladlad and other peace consultants. Photo by redspark.nu

    DINAKIP ng pinagsanib na puwersa ng Philippine National Police at Armed Forces of the Philippines ang isang mataas na opisyal ng Communist Party of the Philippines at dalawa nitong kasama makaraang mahulihan ng matataas na kalibre ng baril sa isang bahay sa Quezon City nitong madaling araw ng Huwebes.

    Sa ulat ni Quezon City Police District (QCPD) director, Chief Supt. Joselito T Esquivel, nakilala ang nadakip na si Vicente P. Ladled, alyas “Eduardo Reyes”, “Boss Ed”, at “General Reyes.” Siya umano ang pinuno ng National United Front Commission at miyembro ng CPP Central Committee.

    Ang dalawang kasama ni Ladlad ay kinilala na sina Antonio M. De Jesus alyas “Kuya Tony” at isang alyas “Ate Anna.”

    Nauna rito, nakatanggap ang QCPD ng impormasyon mula sa isang impormante hinggil sa presensya ng tatlong kaninahinalang personalidad sa isang bahay sa kanto ng St. Mark at Dona Tomasa Street, Brgy. San Bartolome, Novaliches.

    Sinabi pa ni Esquivel na matapos maging positibo ang kanilang surveillance operation laban sa tatlo ay kumuha sila ng search warrant mula kay Executive Judge Cecilyn E. Burgos–Villavert ng QC RTC Br. 89, National Capital Judicial Region.

    Habang armado ng search warrant, sinasalakay ng mga operatiba ng QCPD, National Capital Region Police Office at AFP, ang bahay kung saan naandon sina Ladlad.

    Nasamsam mula sa bahay ang isang AK 47, isang M16A1 assault riffle; isang kalibre. 45, isang 9mm calibre, apat na granada, mga subersibong dokumento at mga bala ng baril.

    Ayon kay Esquivel, kakasuhan sila Ladlad ng paglabag sa RA 10591 (Comprehensive Firearms and Ammunition Regulation Act).

     

    BD Admin: You think your friends gonna like this piece? If you do, kindly share it. Thanks.

     

    No Comments "

    Houseboy na pumatay sa kanyang amo…huli sa QC

    November 6th, 2018

    Ni Santiago Celario

    DINAKIP ng pulisya nitong araw ng Linggo sa Quezon City ang isang houseboy na umano ay pumatay sa kanyang amo ng sampung taon.

    Sinabi ni Quezon City Police District (QCPD) Director Police Chief Superintendent Joselito T Esquivel Jr. na inaresto si Donato “Bong” Dollente matapos nitong aminin na siya ang pumatay sa 55 taong gulang na si Maria Joy Rima Maskariño noong araw ng Biyernes sa loob mismo ng tahanan nito sa 4K Cleofas St., Brgy. Pasong Tamo, Quezon City.

    Ang 51 taon na si Dollente ay sinundo ng mga awtoridad sa kanyang tinitirahan sa 71-B Desire Compound, San Ville, Brgy. Culiat, QC nitong madaling araw ng Lunes at dinala sa kanilang tanggapan upang magbigay ng pahayag.

    Ayon sa imbestigasyon ng mga awtoridad, natagpuang walang buhay ang biktima at nakahandusay sa sahig ng kanyang bahay si dakong alas 6:00 ng gabi nitong nakalipas na Nobyembre 2 ng mga kaanak nito.

    Napagalaman pa na mga alagad ng batas na dakong alas 6:00 ng hapon nitong nakalipas na Nobyembre 3, nang magdesisyon ang kapatid na lalaki ni Maskariño na si Edgar at asawa nito na puntahan ang biktima sa kanyang tahanan matapos itong hindi sumagot sa makailang tawag nila sa telepono. Laking gulat ng mga ito ng kanilang datnan ang duguang bangkay ng biktima.

    Lumabas sa forensic investigation ng QCPD na pinalo ang biktima nang isang matigas na bagay sa kanyang ulo na naging dahilan ng kanyang kamatayan.

    Sinabi ng hepe ng Criminal Investigation and Detection Unit (CIDU) na si Police Chief Inspector Elmer Monsalve na may mga nakakita na magkasama ang biktima at ang suspek dakong alas 12:00 ng tanghali noong araw ng Linggo.

    Dahil dito ay agad na inimbitahan ng mga pulis ang suspek sa QCPD Headquarters sa Camp Karingal upang siyasatin. Sa kasagsagan ng pagtatanong ng mga pulis ay inamin umano ng suspek na pinatay nito ang biktima gamit ang isang dumbbells saka pinagnakawan ng pera at mga gamit.

    Narekober ng mga pulis mula sa suspek ang laptop, tablet, cellphone, wristwatch, passport, IDs, ATM cards, bank books at PhP7,000 cash na pinaghihinalaang pag-aari ng biktima.

    Kasalukuyan ngayong nakapiit ang suspek sa Camp Karingal at nakatakdang sampahan ng kaso sa Quezon City Prosecutors office.

     

    BD Admin: You think your friends gonna like this piece? If you do, kindly share it. Thanks.

    No Comments "

    Boracay muling binuksan sa mundo

    October 26th, 2018

    Ni Santiago Celario

    One of Boracay’s enticing beaches. Image by https://traveldigg.com

    MATAPOS ang anim na buwang rehabilitasyon ay muling binuksan ng Isla ng Boracay sa mundo.

    Kasabay nito ay nagpahayag ng pagasa ang Boracay Inter-Agency Task Force na magiging pang-matagalan na ang lahat ng pagsasaayos na ginawa sa nasabing pulo upang mapanatili ang kagandahan nito.

    It is our fervent hope that the people of Boracay have learned their lesson well and that they are now ready to lead efforts to ensure the sustainability of Boracay as a world-class ecotourism destination,” sabi ni Environment Secretary at BIATF chair Roy A. Cimatu.

    Magugunitang ang Boracay ay pansamantalang isinara sa mga turista nitong nakalipas na Abril upang ipasailalim ng rehabilitasyon matapos matuklasan na napakarumi ng tubig dito dahil sa mataas na coliform level bunga ng sa basura at sewage mula sa mga establisimiento sa pampang nito.

    Ayon kay Cimatu, ang kalinisan ng Boracay ay nakasalalay sa pagsunod ng mga residente, negosyante at turista sa mga alituntunin na itinakda ng BIATF.

    Noong Oktubre 15 ay idineklara ni Cimatu na malinis na ang tubig sa Boracay at ligtas nang languyan ang mga katubigan nito.

    Kasabay ng muling pagbubukas ng Boracay ay magpapatupad ang BIATF ng mga alituntunin upang maprotektahan ang kapaligiran at kalikasan ng isla mula sa inaasahang pagdagsa muli ng mga lokal at dayuhang turista. Kasama sa ipatutupad ay ang mahigpit na pagpapasunod sa tinatawag na “carrying capacity” ng isla.

    Nabatid sa isinagawang pag-aaral ng DENR’s Ecosystem Research and Development Bureau at ng University of the Philippines-Los Baños, 54,945 katao ang kapasidad ng Boracay kabilang na dito ang mga turista, residente, stay-in workers at migrants.

    Ayon kay DENR Undersecretary Sherwin Rigor, kabilang sa mga pangunahing naganap sa muling pagbubukas ng Boracay ay ang “unveiling” ng “Boracay icon” at ang inagurasyon ng main road.

    Ang “reopening ceremony” ay ginanap sa Cagban Jetty Port sa Barangay Manoc-manoc.

    Cagban jetty port is the main gateway to Boracay. It is only fitting that the ceremonies marking the reopening took place here, as a symbol of the island welcoming visitors once again to enjoy its natural beauty,” pahayag ni Rigor.

    The marker is a “fitting symbol showcasing the ‘new’ Boracay that has been made possible through the collaborative efforts of the government and the island’s stakeholders.”

    Pinangunahan naman ni Public Works and Highways Secretary Mark Villa ang ribbon-cutting sa pagbubukas ng 4.1 km main road mula sa Cagban port hanggang Elizalde property sa Station 1.

    Nanumpa rin ang mga environment warriors bilang bahagi ng “Kaligkasan” community multipliers group na siyang tutulong sa pagpapanatili ng kalinisan sa Boracay.

    Ang “Kaligkasan” ay mula sa mga salitang “kaligtasan” (safety) at “kalikasan” (nature).

    Maliban sa isla, isinaayos din ang Cagban port, gumawa ng rotonda kung saan ibababa ang mga pasaherong bibili ng ticket o aalis ng isla at ng walkway patungo sa main road para sa pumapasok sa isla.

     

    BD Admin: You think your friends gonna like this piece? If you do, kindly share it. Thanks.

    No Comments "

    Altintuning pangkalikasan mahigpit na ipatutupad sa Boracay – DENR

    October 14th, 2018

    Ni Santiago Celario

    DENR Secretary Roy Cimatu. Photo © https://en.wikipedia.org

    MAHIGPIT na ipatutupad ang mga alituntuning pangkalikasan sa isla ng Boracay upang matiyak na mapoprotektahan ito sa inaasahang pagdagsa ng mga turista kaugnay sa “dry run opening” ng pamosong tourist spot ngayong Lunes.

    Ayon kay Environment Secretary Roy A. Cimatu, na siyang pinuno ng Boracay Inter-Agency Task Force (BIATF), sa loob nang 11-araw na dry run ay gagawin din ng gobyerno ang lahat ng mga pagsusulit para maisaayos ang Boracay.

    Kaugnay nito umaapila si Cimatu at humihingi ito ng kooperasyo’t pang-unawa mula sa lahat ng stakeholders at local tourist na makikisangkot sa pagpapalakas ng Boracay.

    We will be monitoring a lot of things, from managing the entrance, exit, and stay of the tourists, to enforcing rule of law on establishments that have been found to be non-compliant to laws and regulations,” ani Cimatu.

    Ayon pa sa dating military chief ang pamahalaan ay mahigpit na ipapapatupad ang “no compliance, no operation” policy para sa mga establisyemento hindi lamang sa panahon ng dry run subalit maging sa pormal na pagbubukas ng Boracay sa Oktubre 26.

    We will not hesitate to close hotels and other establishments that would operate without clearance from the BIATF,” dagdag pa ni Cimatu.

    Pinaalalahanan din ni Cimatu ang mga turista na nagpaplanong bumisita sa isla na siguraduhin ang kanilang akomodasyon sa kanilang hotels o establisyemento na tutuluyan.

    Kaugnay nito, dagdag pa ng kalihim, may kumpletong listahan ng mga matutuluyan o hotel na ilalabas ng Department o Tourism para sa madla.

    Samantala, magtatalaga ang Department of Environment and Natural Resources nang 30 environmental enforcers para tignan ang water quality, solid waste management, drainage and sewage systems, at occupation on forest areas and wetlands ng Boracay.

    Kasabay nito ay tiniyak naman ng Armed Forces of the Philippines at Philippine National Police na tutulong ang mga ito sa pagmamantine na katahimikan sa Boracay habang ipinapatupad ang dry run hanggang sa opisyal na pagbubukas nito sa Oktubre 26.

    We are trying to correct the mistakes of the past, and we have succeeded in finding a solution to cleaning the environment. We do not want to backslide on what we have started,” diin ni Cimatu.

     

    BD Admin: You think your friends gonna like this piece? If you do, kindly share it. Thanks.

    No Comments "

    2 magnanakaw “utas” sa engkuwentro sa QC

    October 10th, 2018

    By Santiago Celario

    NAPATAY ng mga awtoridad nitong Martes ng umaga ang dalawang pinaghihinalaang magnanakaw sa Quezon City matapos umanong makipagbarilan ang mga ito sa kanila.

    Inilarawan ang mga napatay ng hepe ng Quezon City Police District (QCPD) Police na si Chief Superintendent Joselito T Esquivel Jr. sa pagsasabing ang isa sa mga ito ay nakasuot ng itim na t-shirt at white short pants, habang ang isa naman ay nakasuot ng kulay abo (gray) na sando, asul na short pants at pulang ball cap.

    Ayon sa rekord ng QCPD, mga dakong alas 4:30 ng madaling araw habang nagsasagawa ng anti-criminality patrol ang mga tauhan ng QCPD-District Special Operating Unit (QCPD-DSOU) sa Sitio San Roque, Agham Road, Brgy. Bagong Pag-asa ng may isang concerned citizen ang nag-ulat na may dalawang armadong lalaki ang pagala-gala sa nasabing lugar.

    Agad rumesponde ang mga pulis para beripikahin ang naturang ulat. Nasabat ang dalawang sinasabing armadong lalaki at kanilang tinangka na pasukuin ang mga ito subalit imbes na sumunod ay pinaputukan nila ang mga pulis sanhi para gumanti ng putok ang mga alagad ng batas.

    Narekober ng Scene of the Crime Operatives at Criminal Investigation and Detection Unit ang dalawang kalibre .45 pistola, 10 gamit na kaha ng mga bala, dalawang hindi pumutok na bala at isang sachet ng shabu.

     

    BD Admin: You think your friends gonna like this piece? If you do, kindly share it. Thanks.

    No Comments "

    Partido Federal ng Pilipinas kinilala nang COMELEC

    October 9th, 2018

    Ni Santiago Celario

    ISANG nang ganap na partido politikal ang Partido Federal ng Pilipinas matapos itong bigyan ng akreditasyon o pagkilala ng Commission on Elections kamakailan.

    Matapos kilalanin ng COMELEC, nagpahayag ang pamunuan ng PFP sa isang pulong balitaan nitong Lunes na may halos 100 silang kandidato na tatakbo sa kongreso at pagka-gobernador. Ang PFP ay kinabibilangan ng iba’t ibang organisasyon na sumusuporta kay Pangulong Rodrigo Duterte at bumubuo ng koalisyong Hugpong ng Pagbabago ni Davao City Mayor Sara Duterte.

    Ayon kay Department of Agrarian Reform Secretary at PFP President John Castriciones, may 40 hanggang 50 silang kandidato na sasabak sa kongreso at 30 hanggang 40 naman para sa pagka-gobernador. Kabilang sa mga ito ay sina Tesda Director General Guiling Mamondiong para sa Lanao del Sur, Gov E.R. Ejercito ng Laguna, Rep.Rey Umali ng Oriental Mindoro , Asst. Secretary Dabiel Mercado sa Zamboanga del Sur, Gov. Pax Mangudadato sa Sultan Kudarat at Gov. Dodo Mandanas ng Batangas.

    Samantala, ang dating pangulo naman ng PFP at direktor ng Land Bank of the Philippines na si Jayvee Hinlo ay siya namang magiging kandidato sa pagka-senador ng bagong tatag na partido.

    Kaugnay nito sinabi naman ni QC Vice Mayor Josefina “Joy” Belmonte Alimurong (PFP-NCR) na may tatakbong 12 sa ilalim ng kanilang partido para maging mayor.

    “Madami po ang nais sumama sa atin, madami po ang nagsa-submit ng intention, mayroon po kaming team na mag-aaral ng kanilang background, yung quality ng candidates at mag start kami ng mga bagong criteria and principles bago natin sila ibilang para sa huli ay wala pong conflict” ani ni Belmonte.

    Sa Oktubre 11, ay nakatakdang magkakaroon ng grand rally ang PFP sa Cuneta Astrodome sa Pasay City kung saan itatanghal si Duterte bilang chairman ng partido.

     

    BD Admin: You think your friends gonna like this piece? If you do, kindly share it. Thanks.

    No Comments "

    PDEA at advertising agency nagkaisang magtulungan laban sa bawal na gamot

    September 30th, 2018

    Ni Santiago Celario

    LALONG lumakas ang kampanya ng Philippine Drug Enforcement Agency laban sa illegal na droga matapos itong makipagkasundo sa isang advertising company para lumikha ng mga cartoons o animated video kaugnay sa patuloy na kilos ng pamahalaan laban sa ipinagbabawal na gamot.

    Sa ilalim ng Memorandum of Agreement (MOA) na nilagdaan ng PDEA at Activations Advertising, Inc. (AAI), kapwa nila ipinahayag ang kagustuhan na gumawa nang animated anti-drug advocacy materials para sa mga presentasyon sa mga komunidad ng PDEA kaugnay sa drug prevention and awareness programs nito. Maipalalabas din ang maikling version nito sa mga sinehan sa buong bansa.

    Pinirmahan ang kasunduan nitong nagdaang Biyernes sa punong tanggapan ng PDEA sa Agham Road, Quezon City. Si PDEA Director Aaron N. Aquino ang lumagda para sa PDEA at si Ms. Michelle Suzzane Claire B. Quintana, AAI President at CEO, ang pumirma para naman sa AAI. Sinaksihan ng mga opisyal ng PDEA at AAI ang pirmahan ng dalawa.

    Laman ng kasunduan o Memorandum of Agreement (MOA) ang pagtukoy sa responsabilidad ng PDEA at AAI hinggil sa mutual support at assistance ng preventive education and information dissemination activities ng magkabilang panig.

    Sa ilalim din ng kasunduan, ang magkabilang partido ay magtutulungan sa pagsasagawa ng trainor’s training para makapagsanay ng mga professional anti-drug advocates. Magiging tungkulin ng mga ito na tumalakay sa mga isyu na may kaugnayan sa droga, maging eksperto sa public affairs activities, at magpalabas ng mga anti-drug information, listahan ng mga drug personalities at kanilang mga illegal na aktibidad na ilalabas naman ng AAI.

    PDEA extends its sincerest gratitude to AAI for fulling its corporate social responsibility. We need partners in the private sector like AAI which are guided by strong interest in addressing relevant social issues such as illegal drugs,” ani pa ni Aquino.

     

    BD Admin: You think your friends gonna like this piece? If you do, kindly share it. Thanks.

    No Comments "

    Detenido sa QCJ sumailalim sa biglaang drug test

    September 28th, 2018

    Ni Santiago Celario

     

    MGA 900 na detenido ng Quezon City Jail at 170 tauhan ng Bureau of Jail Management and Penology ang sumailalim sa isang biglaang drug test nitong Martes ng umaga upang matiyak na walang gumagamit ng ipinagbabawal na droga sa naturang pasilidad.

    Dakong alas 8:00 ng umaga nang isagawa ang drug testing sa mga detenido at bantay nila.

    Ayon kay Quezon City Jail Warden Supt. Ermilito C. Moral ang pagsasagawa ng drug test ay bilang ipatupad ang mandatory drug test para sa mga BJMP personnel ayon na rin sa direktiba ng nakatataas na pinuno ng bureau.

    Sinabi pa ni Moral na ang pagsasagawa ng drug test sa kanilang mga personnel ay maituturing na rin na isang babala sa mga tauhan ng BJMP na huwag gumamit ng illegal na droga.

    “Gusto natin matiyak na walang personnel ng BJMP ang gumagamit ng illegal na droga” diin ni Moral.

    Sinabi pa ng QCJ warden na kung may mag-positibo umano sa mga tauhan ng BJMP sa katatapos na drug test ay agad niyang iri-relieved ito sa puwesto at isasailalim sa masusing imbestigasyon. Bukod pa rito ay sasampahan ito ng mga kaukulang kaso.

    Nauna rito, magugunitang pinagibayo ng BJMP ang kanilang crackdown laban sa illegal na droga at iba pang kontrabando sa loob ng QCJ.

    Sa kasalukuyan umaabot sa 4,572 ang nakadetine sa QCJ bagamat ito ay may kapasidad lamang para sa 800 detenido.

     

    BD Admin: You think your friends gonna like this piece? If you do, kindly share it. Thanks.

     

    BD Admin: You think your friends gonna like this piece? If you do, kindly share it. Thanks.

    No Comments "

    X-mas bonus para sa mga empleyado ng QC ipinanukala

    September 27th, 2018

    Ni Santiago Celario

    ISANG resolution ang inihain sa Quezon City Council na naglalayong bigyan ng 14th month pay o Christmas bonus ang lahat ng empleyado at opisyal ng Quezon City government.

    Sa dalawang pahinang resolution na ipinanukala nina Councilors Allan Butch T. Francisco, Godofredo T. Liban ll, Eric Rey Z. Medina at Hero Clarence M. Baustista, hinihiling ng mga ito kay QC Mayor Herbert M. Bautista na hanapan ng paraan na mabigyan ng bonus ang lahat ng mga kawani ng pamahalaang panglungsod bilang Personnel Emergency Relief Allowance (PERA).

    Base sa resolution, lumagpas ang koleksyong buwis ng QC noong 2015 at naabot naman ang target na koleksyon nitong nagdaang taon, bukod pa sa patuloy na tumataas ang halaga ng bilihin gayong hindi naman tumataas ang sahod, kaya dapat lamang bigyan ng bonus ang mga kawani ng lokal na pamahalaan ng QC.

     

    BD Admin: You think your friends gonna like this piece? If you do, kindly share it. Thanks.

    No Comments "

    DENR Secretary Roy Cimatu nagbabala tungkol sa pagaalaga ng mga “wild animals”

    September 26th, 2018

    Ni Santiago Celario

    MARIING nagbabala kamakailan si Environment Secretary Roy A. Cimatu sa sino man na nagaalaga ng mga “wild animals” dahil ito ay labag sa batas at maaring maging dahilan ng pagkakakulong ng mga nag-aaruga nito.

    Ipinalabas ni Cimatu ang babala matapos mailigtas ang isang Pangolin, isang uri ng hayop na kumakain ng langgam, sa isang subdivision sa Muntinlupa City.

    Collecting, hunting or possessing wildlife species, both flora and fauna, without a valid permit from the government is illegal,” paalala ni Cimatu.

    Wild animals, including pangolins, are protected by the government and our laws, and it is unlawful to keep them as pets,” idinagdag pa nito.

    Ayon kay Cimatu ang specie ng mga Pangolin, na kilala sa lalawigan ng Palawan, ay malapit nang maubos dahil dito ito ay pinangangalagaan sa ilalim ng Republic Act 9147 na mas kilala bilang Wildlife Conservation and Protection Act.

    Mahigpit na ipinagbabawal ng batas ang pag-iingat o pag-aalaga ng wild animal, partikular na ang mga “criticially endangered animal species.” Ang paglabag sa RA 9147 ay may kaparusahan na apat na taong pagkakakulong ng apat na taon at multa na aabot sa PhP450,000.

    Matatandaan na noong ika-4 ng Septiyembre, ang enforcement team ng Task Force POGI (Philippine Operations Group on Ivory and Illegal Wildlife Trade) ay sumugod sa Alabang Village para beripikahin ang ulat na ang isa sa mga residente ng eksklusibong subdivision na ito ay nag-aalaga ng Pangolin.

    Dinatnan ng mga miyembro ng Task Force POGI ang Pangolin sa pangangalaga ng mga opisyal ng barangay na kumupkop sa hayop matapos itong matagpuan umano sa labas ng bahay ng isang Intsik na nakilala sa pangalang Xiao Ming.

     

    BD Admin: You think your friends gonna like this piece? If you do, kindly share it. Thanks.

    No Comments "

    8,000 volunteer lumahok sa paglilinis ng baybayin ng Look ng Maynila

    September 24th, 2018

    Ni Santiago Celario

    Libo-libo lumahok sa paglilinis ng Manila Bay. Litrato kuha ng philstar.com

    TINATAYANG 8,000 volunteers ang lumahok sa ginawang paglilinis ng Department of Environment and Natural Resources sa Manila Bay at mga ilog sa Metro Manila nitong nagdaang Sabado.

    Ayon kay DENR Secretary Roy A. Cimatu ang sabay-sabay na coastal cleanup sa iba’t ibang lugar ng Metro Manila, kabilang na ang Manila Bay area, bukod sa napapanahon dahil kadadaan lamang ng bagyong si Ompong, ay bilang pagsuporta na rin sa pagkilos ng International Coastal Cleanup.

    Through this ICC event, we will be able to remove heaps of trash washed ashore Roxas Boulevard and other parts of Manila Bay at the height of super typhoon Ompong,” pahayag ni Cimatu.

    Sinabi pa ni Cimatu na umaasa siya na ang ginawang paglilinis ng mga baybayin at ilog ay pumukaw sa konsyensya ng mga tao na linisin ang mga katubigan bansa.

    Kabilang sa mga baybayin at ilog na nilinis ay yung mga nasa Las Piñas, Parañaque Critical Habitat and Ecotourism Area, SM Pasay City Bay Area, Letre at Pinagsabugan Creeks sa Malabon City, Tanza Marine Tree Park sa Navotas City at riverbank ng Polytechnic University of the Philippines sa Sta. Mesa, Manila.

    Nagkaroon din ng clean-up activity sa likod ng Gloria Maris sa Cultural Center of the Philippines Complex sa Pasay City.

     

    BD Admin: You think your friends gonna like this piece? If you do, kindly share it. Thanks.

     

    No Comments "

    Maliitang pagmimina sa Cordillera ipinahinto ni Secretary Cimatu

    September 22nd, 2018

    Ni Santiago Celario

    DENR Secretary Roy Cimatu. Photo © https://en.wikipedia.org

    IPINAGUTOS ni Department of Environment and Natural Resources Secretary Roy Cimatu sa Mines and Geosciences Bureau na muling repasuhin at i-validate ang lahat ng aplikasyon para sa pagtatayo ng People’s Small-Scale Mining Areas o “Minahang Bayan” sa bansa upang makatiyak na ang mga ito ay ligtas sa panganib.

    Ang kautusan ay ipinalabas ni Cimatu matapos magpahayag kamakailan si Pangulong Rodrigo Duterte na ibig niyang masara lahat ng minahan sa bansa kasunod ng trahedya na naganap sa isang minahan Itogon, Benguet dahil sa pagragasa ng bagyong Ompong. Hindi bababa sa 39 ang namatay sa landslide na naganap sa Minahang Bayan sa Ucab, Itogon.

    (Read More: http://beyonddeadlines.com/2018/09/20/duterte-wants-to-close-all-mining-after-philippines-landslides/)

    “We will be stricter in approving Minahang Bayan sites, and affirm whether they conform to standards that are safe especially for the miners,” ani Cimatu.

    Ayon kay Cimatu ibig niyang tiyakin ng MGB na ligtas ang mga tinutuluyan ng mga small-scale miners.

    “Their (small-scale miners) residences should be far enough from identified geohazard areas,” dagdag pa ni Cimatu.

    Ayon sa sangay ng MGB sa Cordillera Autonomous Region, 10 asosasyon ng mga “small-scale miners” ang nabigyan ng temporary mining contract sa Itogon, Benguet habang nakabitin pa ang pinal na deklarasyon sa kahihinatnan ng Minahang Bayan.

    Kaugnay nito ay ipinakansela ni Cimatu ang lahat ng mga temporary mining contracts na inisyu ng MGB sa bisa ng Executive Order (EO) 79 series of 2012. Hiniling din niya sa Armed Forces of the Philippines at Philippine National police na tulungan ang MGB sa pagpapahinto ng pagmimina sa Cordillera.

     

    BD Admin: You think your friends gonna like this piece? If you do, kindly share it. Thanks.

    No Comments "

    Apat patay sa barilan sa QC

    September 19th, 2018

    Ni Santiago Celario

    PATAY ang apat na lalaki, kabilang ang isang tiktik na sibilyan, sa magkahiwalay na insidente nang pakikipagbarilan ng mga pulis laban sa mga hinihinalang holdaper at tulak ng bawal na gamot nitong Martes ng madaling araw sa Quezon City.

    Kinilala ni Quezon City Police District (QCPD) Director, Police Chief Superintendent Joselito T Esquivel Jr., ang isa sa mga nasawi bilang si Christoper Blanca, 41, residente ng Batasan Hills. Samantala, hindi pa nakikilala ang kasama ni Blanca na tinatayang nasa mga 30 taong gulang, may taas na 5’3”, may maliit ang pangangatawan at kayumangging balat.

    Sinabi pa ni Esquivel na nakilala si Blanca sa pamamagitan ng isang Identification Card na natagpuan sa kanyang pag-iingat.

    Bukod sa ID, nakuha mula kay Blanca at kasama nito ang isang kalibre .38 na revolver at bala, isang .9mm na pistola at anim na bala, isang Honda Wave na motorsiklo, dalawang backpacks, mga gamit ng kanilang sinasabing hinoldap, cellphone at apat na sachet ng hinihinalang methamphetamine hydrochloride o shabu.

    Kasunod nito kinilala rin ng hepe ng QCPD ang dalawa pang nasawi sa pamamagitan lamang ng kanilang alyas na Gelo at Tom.

    Si Gelo ay sinasabing may edad na tinatayang mula 25 hanggang 30-anyos, at nasa 5’5” ang taas. Ito ay nakasuot ng kulay blue na t-shirt at short pants at may iba’t ibang tattoo sa iba-ibang bahagi ng kanyang katawan. Samantalang si Tom ay sinasabing isang sibilyang tiktik o asset ng mga awtoridad, dagdag pa ni Esquivel.

    Ayon sa ulat ng QCPD dakong alas 12:10 ng madaling araw, habang magkasabay na naglalakad sa kahabaan ng Kalayaan Avenue, malapit sa Elliptical Road sina Mauriel Anthony Villegas, 29; at Arjay Mortel, 20, ng bigla umanong dumating si Blanca at kasama nito sakay ng isang motorsiklo na walang plaka. Agad na bumaba ang back rider at hinoldap umano si Villegas at Mortel.

    Mabilis na tumakas ang mga holdaper papuntang Elliptical Road.

    Samantala, nakita naman ng mga biktima ang mga operatiba ng QCPD-District Special Operations Unit (DSOU) sa ilalim ni P/Superintendent Gil Torralba habang nagsasagawa ng anti-crime operations ang mga ito malapit sa lugar na pinangyarihan ng holdapan. Kaagad nilang iniulat ang nangyari sanhi para kumilos agad ang mga awtoridad at hinabol ang sinasabing mga holdaper.

    Nasukol ang mga ito sa kanto ng Alley 32 at Road 10, Proj. 6 kung saan imbes na sumuko ay mas minabuti pa ng mga ito na makipagbarilan sa mga pulis na nagresulta sa kanilang kamatayan.

    Ayon sa mga imbestigador ay nagawa pang itakbo sa East Avenue Medical Center ang isa sa mga suspek subalit hindi na ito umabot pa sa pagamutan ng buhay.

    Samantala, mga bandang 1:45 ng umaga ng makipagbarilan umano si Gelo sa mga miyembro ng QCPD Station 3 (Talipapa)-Drug Enforcement Unit sa loob ng Doña Josefa ll Subdivision, Brgy. Culiat, habang nagsasagawa ang mga ito ng buy-bust operation. Napatay din sa operasyon ang sibilyang tiktik ng mga pulis matapos itong unang paputukan ni Gelo habang umaaktong mamimili ng bawal na gamot.

    Nakuha mula kay Gelo ang isang cal. .9mm na pistola, anim na bala at apat na sachets ng hinihinalang shabu.

     

    BD Admin: You think your friends gonna like this piece? If you do, kindly share it. Thanks.

    No Comments "

    Dalagita nagpakamatay sa QC

    September 15th, 2018

    Ni Santiago Celario

    Image by education.medicaldialogues.in

    NAGPATIWAKAL ang isang 17-anyos na dalagita sa pamamagitan ng pagbigti sa loob ng kanilang tahanan sa Quezon City nitong nagdaang Huwebes.

    Kinilala ni Police Officer 3 Jerome Dollente, imbestigador ng Criminal Investigation and Detection Unit – Quezon City Police District (CIDU-QCPD), ang biktima sa pangalang Vanessa, isang residente ng Brgy. Bagong Silangan.

    Batay sa pahayag ng ina ng biktima, dakong alas-2 ng hapon nitong Huwebes ay umakyat umano siya sa ikalawang palapag ng kanilang tahanan upang kunin ang mga pinatuyong sinampay. Subalit nang mapadaan umano siya sa silid ng kanyang anak ay tila nakaramdam siya ng kaba kaya kinatok niya ang pintuan ng kuwarto nito.

    Pero halos ilang minuto na umano niyang kinakatok ang pinto ng silid ng anak ay hindi pa rin ito nagbubukas kaya tinawag niya ang asawa at puwershan nilang sinira ang seradura ng pintuan.

    Nang mabuksan ang pintuan ay napasigaw at napaiyak ang mag-asawa ng bumungad sa kanila ang nakabiting anak sa kisame.

    Agad nilang tinanggal sa pagkakabigti sa kisame ang anak at dahan-dahang inilatag ang katawan nito sa kanyang kama bago itinawag ang pangyayari sa himpilan ng QCPD Police Station 6 (Batasan).

    Hindi pa malaman ang dahilan ng pagbibigti ng biktima habang isinusulat ang ulat na ito.

     

    BD Admin: You think your friends gonna like this piece? If you do, kindly share it. Thanks.

    No Comments "

    DILG pinaghahanda ang mga lokal na pamahalaan para sa papalapit na Super Typhoon

    September 12th, 2018

    Ni Santiago Celario

    INATASAN nitong Martes ni Interior and Local Government Officer-in-Charge Eduardo Año ang lahat ng mga lokal na pinuno sa mga lugar na direktang maapektuhan ng papalapit na bagyo na maghanda na upang hanggat maari ay magkaroon ng “zero casualty.”

    “Dapat lagi tayong handa. Dito ay dapat na ipakita ninyo ang inyong liderato,” hamon ni Año sa mga pinunong bayan.

    Kaugnay nito ay nanawagan ang Philippine Atmospheric Geophysical and Astronomical Services Administration sa publiko na huwag magpanik sa kabila ng kumakalat na ulat sa social media na ang bagyo ay isang “super typhoon.”

    Tinatayang papasok sa area of responsibility ng bansa ang bagyong si Ompong, na may pandaigdigang pangalang Mangkhut, ngayong Miyerkoles.

    Ayon sa ulat, ang naturang bagyo ay inaasahang tatahakin ang hilagang bahagi ng bansa.

    Samantala, ayon kay Año nakatakda ngayon na magpulong ang National Disaster Risk Reduction Management Council (NDRRMC) kaugnay sa paparating na bagyo.

     

    BD Admin: You think your friends gonna like this piece? If you do, kindly share it. Thanks.

     

    No Comments "

    DOJ nanindigan na legal ang aksyon ng pamahalaan laban kay Sen. Trillanes

    September 10th, 2018

    Ni Santiago Celario

    (File photo) Senator Antonio Trillanes © INQUIRER PHOTO/JOAN BONDOC

    NANINDIGAN nitong Biyernes si Department of Justice Secretary Menard I. Guevarra na legal ang pagbawi ni Pangulong Rodrigo Duterte sa amnesty na ibinigay ng pamahalaan kay Senador Antonio Trillanes IV.

    Ipinaliwanag ni Guevarra na dahil walang inamin si Trillanes na kasalanan, bilang isa sa kondisyon na kailangan para sa pagbibigay ng amnesty, ay walang saysay ang amnesty na ibinigay dito noong 2010 ng nagdaang administrasyon.

    “Paano magbibigay ng kapatawaran kung unang-una ay di mo naman inamin na meron kang ginawang kasalanan?” tanong ni Guevarra habang ginaganap ang 52nd anniversary ng National Police Commission (NAPOLCOM) sa punong tanggapan nito sa DILG Building sa Edsa, Quezon City.

    Sinabi pa ni Guevarra, na itinalagang tagapangalaga ng pamahalaan ni Duterte habang siya ay nasa Gitnang Silangan, na ang kanilang aplikasyon para sa isang “alias warrant” at “Hold Departure Order” sa sala ni Makati Regional Trial Court Branch 148 Judge Andres Soriano ay isa sa mga epekto ng pagpapawalang bisa ng Pangulo sa amnestiya ni Trillanes sa pamamagitan ng Presidential Proclamation Number 572.

    Idinagdag pa ng secretary na hindi na siya puwedeng magkomento sa mga usapin ng pagkakasuspindi sa amnestiya ni Senador Trillanes dahil nasa korte na ito.

    “Hindi na ko puwedeng mag-komento dyan kasi ang mga bagay na yan ay naiakyat na nya (Sen. Trillanes) sa Supreme Court at tama naman yun” ani pa ni Guevarra.

    Dahil sa pagbawi ng amnestiya, si Trillanes ay maaring arestuhin ng mga tauhan ng Philippine National Police ano mang sandali, isang bagay na mariing kinondena ng mga human rights advocates dahil malinaw umano na ang ginagawa ni Duterte ay sinusupil ang lahat ng tumututol sa kanyang umano ay mali at anti-demokratikong pamamalakad ng pamahalaan.

     

    BD Admin: You think your friends gonna like this piece? If you do, kindly share it. Thanks.

    No Comments "

    Bagong Quezon City Jail itatayo sa Payatas

    September 7th, 2018

    Ni Santiago Celario

    Sleeping inmates of the crowded Quezon City Jail. Image © getrealphilippines.com

    PINANGUNAHAN nitong Huwebes ni Quezon City Mayor Herbert Bautista at mga opisyal ng Bureau of Jail Management and Penology ang groundbreaking ng itatayong Quezon City Jail.

    Ayon kay QCJ Warden Superintendent Ermilito Moral, layunin ng pagtatayo ng bagong city jail na maiwasan ang patuloy na pagsisikip sa kasalukuyang QCJ sa Edsa-Kamuning. Ang nasabing lumang pasilidad ay para lamang sa 800 detainee subalit sa kasalukuyan ay mayroong mahigit sa 3,800 detenido ang nakapiit dito.

    Ang bagong QCJ ay itatayo sa kahabaan ng Payatas Road sa Barangay Bagong Silangan 2. Ang lupang pagtatayuan nito ay bahagi ng 3.4 na ektaryang lupa na binili ng pamahalaang panglungsod mula M.S. Florendo and Sons. Inc. noong 2015.

    Maliban sa bagong QCJ ay tatayuan din ng jail officers quarters, police station, fire station at barangay health center ang naturang piraso ng lupain.

    Sinabi ni Supt. Moral ang itatayong bagong jail facility ay ang kauna-unahang pinakamalaking pasilidad para sa mga ng mga detainee.

    This will solve the congestion that sometimes causes riots and diseases ani pa ni Moral.

    BD Admin: You think your friends gonna like this piece? If you do, kindly share it. Thanks.

    No Comments "

    Walang krisis sa bigas – NFA

    September 5th, 2018

    Ni Santiago Celario

    (File Photo) National Food Authority Image © philstar.com

    MATAPOS ipanawagan ng ilang sektor ng lipunan ang pagbuwag sa National Food Authority ay tiniyak nito na walang kakapusan ng bigas sa bansa.

    Ipinalabas ang pahayag nitong Martes matapos aprubahan ng NFA Council ang agarang importasyon nang 133,500 metriko toneladang bigas para sa Zamboanga, Basilan, Sulu at Tawi-Tawi o ZAMBASULTA.

    Sinabi pa ng NFA na ang agarang importasyon ay para matugunan ang nararanasang mataas na presyo ng bigas ng taong bayan sa ZAMBASULTA.

    Ayon sa NFA Council, ang Terms of Reference (TOR) para sa dagdag na importasyon ng bigas ay nakatakdang ilathala sa mga pahayagan ngayong Miyerkules.

    Idinagdag pa ng NFA ang delivery para sa unang 33,500 metriko toneladang ng bigas ay nakatakda mula sa Septiyembre 15 hanggang 30.

    Samantala, ang nalalabing 100,000 metriko toneladang bigas ay nakatakda namang dumating sa pagitan ng Oktubre 1 at Nobyembre 30.

    Kaugnay nito ang NFA ay nakatakdang ilipat ang kanilang imbak na bigas mula sa mga kalapit na rehiyon ng ZAMBASULTA para mabigyan na ang mga mamimili sa mga nasabing lalawigan ng alternatibong suplay ng dekalidad subalit murang bigas.

    Mabibili ang bigas ito sa halagang PhP27 bawat kilo, dagdag pa ng NFA.

     

    BD Admin: You think your friends gonna like this piece? If you do, kindly share it. Thanks.

    No Comments "

    DENR suportado ang pagbabawal ng paggamit ng plastic sa Boracay

    September 2nd, 2018

    Ni Santiago Celario

    PARA maprotektahan ang kalikasan, nagpahayag nitong araw ng Linggo ng suporta ang Department of Environment and Natural Resources (DENR) sa ang ginawang pagbabawal ng lokal na pamahalaan sa paggamit ng disposable na plastic sa isla ng Boracay.

    Ayon sa isang pahayag, suportado ng DENR ang inisyatiba ng Pamahalaang Bayan ng Malay sa lalawigan ng Aklan na ipasa ang Municipal Ordinance No. 386, Series of 2018 na nagbabawal sa paggamit ng single-use o disposable plastic sa mga hotels, resorts, restaurant at establisyemento sa Boracay at mga kalapit na lugar.

    Sinabi ni Undersecretary for Solid Waste Management and LGU Concerns Benny Antiporda na ang ordinansa ay isang welcome na hakbang ng bayan Malay. Ito, ani ni Antiporda, ay tiyak na makatutulong sa ginagawa ng pamahalaan na irehabilita ang Boracay.

    Matatandaang isinara ang Boracay sa loob ng anim na buwan upang malinis ang polusyon dito. Mananatiling sarado ang pamosong isla hanggang sa Oktubre 26.

    Magugunitang rin na nauna ng ipinagbawal ni DENR Secretary Roy A. Cimatu ang paggamit ng plastic upang masugpo o mabawasan ang problema ng basura sa Boracay.

    We commend the LGU of Malay for heeding the Secretary’s call by coming up with such ordinance,” Antiporda said. “Single-use plastics, particularly those used in packaging, have been identified as a contributing factor to Boracay’s mounting waste problem, not only on land but in surrounding waters.” diin ni Antiporda.

    Kaugnay nito sinabi ni Antiporda na ang pagbabawal sa paggamit ng plastic ay isang malaking hakbang para labanan ang plastic pollution at ang toxic impact nito sa tao, hayop, katubigan, karagatan at sa kalikasan.

    The DENR is willing to provide Malay with any assistance in the implementation of this ban and all its other programs to manage solid waste,” dagdag pa ni Antiporda.

    Malay can become a model not only for Aklan or the entire island of Panay but also to other LGUs with ecotourism sites,” sabi pa ni Antiporda.

    Kabilang sa mga ipinagbabawal sa Boracay ay ang mga disposable toothbrush, toothpaste tubes, shaving razors, shower caps, sachets of shampoo o conditioner, liquid body soaps, suklay, bottled water, straws, kutsara, tinidor, kutsilyo at sachets ng coffee, sugar at creamer.

    Ang mga lalabag sa naturang ordinansa ay bibigyan ng babala at pagmumultahin ng PhP2,000 sa unang paglabag, confiscation ng single-use plastic at multa ng PhP2,500 para sa ikalawang paglabag at cancellation ng business permit para sa ikatlong paglabag.

    BD Admin: You think your friends gonna like this piece? If you do, kindly share it. Thanks.

     

    No Comments "

    Dalawang pinaghihinalaang rapists patay sa enkuwentro sa QC

    August 31st, 2018

    Ni Santiago Celario

    Image by tnt.abante.com.ph

    NAPATAY ang dalawang pinaghihinalaang manggagahasa at tulak ng bawal na gamot matapos makipag barilan umano ang mga ito sa mga awtoridad sa Quezon city nitong nagdaang Miyerkoles ng gabi.

    Hindi pa nakikilala ang mga napatay pero sinabi ni Superintendent Joel Villanueva, hepe ng Quezon City Police District Station 6 (Batasan Hills) na ang isa sa mga ito ay nasa pagitan ng 30 hanggang 45 anyos, katamtaman ang pangangatawan, nakasuot ng itim na t-shirt at short, maroon na bonnet, itim na helmet at burdado ito ng mga tattoo na Bahala na Gang at Bukol Jun Jun sa kaliwang tuhod.

    Ang ikalawa naman, ayon kay Villanueva, ay nasa pagitan ng 25 hanggang 30 anyos, katamtaman ang pangangatawan, nakasuot ng puting t-shirt, itim na jacket at sombrero, at naka face mask.

    Batay sa ulat ng mga awtoridad, mga dakong 11:30 ng gabi habang nagmamanman sa checkpoint ang mga tauhan ng QCPD Station 6 sa kanto ng Payatas Road at Molave Street, Brgy. Payatas B, isang concerned citizen ang lumapit sa kanila at nagsabing isang Anabel Cabatbat, 18, na taga Barangay Commonwealth ang dinukot nang dalawang hindi pa kilalang lalaki sa kanto ng Majaas Street at Payatas Road.

    Dahil dito ay agad tumugon ang mga operatiba ng Station 6 at pagdating sa lugar na sinabi ng impormante ay natagpuan nila ang sinasabing dinukot na umiiyak at walang suot na damit sa kalahati ng kanyang katawan. Agad na humingi ng tulong ang biktima matapos nitong matanawan ang mga pulis.

    Sa puntong ito ay naispatan din ng mga pulis sa di kalayuan ang dalawang pinaghihinalaang rapist ng biktima at tinangka nila itong pasukuin. Gayun man, imbes na sumuko ay pinaputukan ng mga suspek ang mga awtoridad dahilan para mapilitan ang mga ito na gumanti ng putok.

    Matapos ang ilang sandaling palitan ng mga putok ay humandusay ang mga suspek sa daan na wala ng buhay.

    Narekober ng Scene of the Crime Operatives (SOCO) ng QCPD sa lugar na pinangyarihan ng enkuwentro ng dalawang snub nose na .38 caliber na revolver, bala at walong sachet ng pinaghihinalaang methamphetamine hydrochloride o shabu.

     

    BD Admin: You think your friends gonna like this piece? If you do, kindly share it. Thanks.

    No Comments "

    Pulis patay sa ambus sa QC

    August 29th, 2018

    ISANG miyembro ng Philippine National Police ang pinatay nang isang hindi pa nakikilalang mamamatay tao nitong Martes ng hapon sa Quezon City.

    Kinilala ang biktima na si Police Officer 3 Nepthalie Buensuceso, 35, operatiba ng PNP-Criminal Investigation and Detection Group (CIDG) at naninirahan sa Caloocan City. Siya ay agad na namatay matapos magtamo ng maraming tama ng bala mula sa hindi pa malamang kalibre ng baril.

    Ayon kay Senior Inspector Elmer Monsalve, hepe ng Quezon City Police District – Criminal Investigation and Detection Unit (QCPD-CIDU), naganap ang pagpatay sa biktima bago mag-ala sais ng hapon sa kanto ng N. Domingo at Broadway Streets, Barangay, Valencia.

    Ayon sa mga saksi, sakay ang biktima ng kanyang motorsiklo nang huminto ito sa intersection ng N. Domingo at Broadway dahil sa stoplight. Sinabi pa ng mga nakakita na habang naghihintay ng green light ay dumikit dito ang isa pang naka-motor na walang plaka at walang sabi-sabing pinagbabaril ang biktima.

    Tumakas ang salarin, na naka jacket na kulay maroon, itim na helmet at sakay ng Yamaha Mio na motorsiklo; matapos bumagsak ang biktima na duguan, dagdag pa ng mga saksi.

    Sa kasalukuyan ay nagsasagawa ng masusing imbestigasyon ang mga tauhan ng QCPD-CIDU para matuntun kung sino ang nasa likod ng pananambang.

     

    BD Admin: You think your friends gonna like this piece? If you do, kindly share it. Thanks.

    No Comments "

    Punong tanggapan ng Land Transportation Office sa QC tinangkang looban

    August 27th, 2018

    Ni Santiago Celario

    TINANGKANG pagnakawan ng mga hindi pa nakikilalang kawatan ang tanggapang sentral ng Land Transportation Office sa Quezon City nitong nagdaang katapusan ng linggo o weekend.

    Ayon sa ulat ng Quezon City Police District Public Information Office nadiskubre ang panloloob sa tanggapan ng LTO Central Office sa kahabaan ng East Avenue, Barangay Pinyahan dakong 7:00 ng umaga. Partikular na nilooban ang opisina ng LTO-Law Enforcement Service (LES) na nasa ikalawang palapag ng gusaling LETAA sa loob ng LTO compound.

    Nabatid mula sa pulisya na isang encoder ng LTO, na nakilalang si Sherwin Leal, 39; ang nag report ng insidente sa pulisya.

    Ayon pa sa mga awtoridad, hinalungkat ng mga kawatan ang mga drawers ng LES kung saan nakalagay ang mga papeles ng Data Control Unit, Custodial Unit at Investigation Section of the Intelligence and Investigation Division.

    Gayunman, dagdag pa ng mga imbestigador, wala umanong nawala sa drawer ng LES. Sinabi pa nila na sa air condition vent dumaan ang mga nagtangkang magnakaw sa tanggapan ng LES.

    Sa kasalukuyan ay patuloy pa rin ang ginagawang pagiimbestiga ng mga tauhan ng QCPD Scene of the Crime Operatives (SOCO) at Criminal Investigation and Detection Unit (CIDU).

    Samantala, tatlong construction workers mula sa isang itinatayong gusali malapit sa LTO ang inimbitahan ng mga awtoridad upang magbigay linaw sa mga kaganapan sa LTO. Gayun man, nilinaw nila na hindi mga suspek ang mga ito.

     

    BD Admin: You think your friends gonna like this story/opinion? If you do, kindly share it. Thanks.

    No Comments "

    DENR nanawagan sa publiko na maging mapagmatyag sa panahon ng malakas na pag ulan

    August 26th, 2018

    Ni Santiago Celario

    DENR Secretary Roy Cimatu. Photo © https://en.wikipedia.org

    NANAWAGAN SI Department of Environment and Natural Resources Secretary Roy Cimatu sa mga residente na nanirahan sa mga geohazard-prone areas na maging mapagbantay at mag-ingat laban sa posibleng landslides at flash floods sa panahon ng malakas na ulan upang maiwasan ang sakuna.

    Residents and communities near mountains and within low-lying areas should be proactive by taking appropriate measures to minimize, if not prevent, any adverse impact of calamities,” mariing panawagan ni Cimatu.

    Ginawa ng kalihim na manawagan dahil sa malalakas na ulan na sumalpok sa Metro Manila dala ng Hanging Habagat o Southwest Monsoon. Ang ulan ay nagdala ng baha sa Metro Manila at landslides sa mga karatig na probinsya dahilan upang tatlong tao ang mamatay at halos 50,000 naman ang ilikas sa mga ligtas na lugar.

    The best way to prevent loss of lives and damage to properties during floods and landslides is for people to take precautionary measures,” ani pa ni Cimatu.

    Kaugnay nito ay inatasan ng DENR ang Mines and Geosciences Bureau (MGB) na palagiang magbigay ng mga tips at safety instructions sa panahon ng ulan upang maiwasan ang trahedya.

    Ayon kay MGD Lands Geological Survey Division Officer-in-Charge Antonio Apostol, dapat maging mapagbantay ang mga residente sa mga bumabagsak na puno, bakod at iba pang senyales ng pagguho ng lupa o landslides.

    There are also other signs such as forms of water being blurred with soil and a loud resonance signifying a landslide coming,” ani pa ni Apostol.

    Nakiusap din si Apostol ibang sangay ng pamahalaan na bantayan at ikalat ang mga ipalalabas na advisory ng DENR-MGB.

     

    BD Admin: You think your friends gonna be interested in this piece? If you do, kindly share it. Thanks.

    No Comments "

    Mahigit sa 36 na milyong tao sa Southeast Asia namumuhay na mas mahirap sa mahirap

    August 26th, 2018

    Ni Santiago Celario

    Image © youtube.com

    TINATAYANG aabot sa 36 milyong tao mula sa Southeast Asia ang namumuhay sa ilalim ng tinatawag na poverty line, at 90% mula sa bilang na ito ay galing Pilipinas at Indonesia.

    Ito ang nabatid sa mula isang ulat ng United Nations na pinamagatang “The 2017 ASEAN-China-UNDP Report on Financing the Sustainable Development Goals (SDGs) sa ASEAN” na tinalakay sa isang pulong ng ASEAN kamakailan.

    Hindi rin halos nalayo sa ulat ng UN ang isa namang lumabas na pag-aaral na ginawa naman ng Philippine Institute for Development Studies (PIDS).

    Ayon sa PIDS halos kalahati ng populasyon sa Pilipinas ay nanganganib na maging mahirap dahil umano sa matinding dagok sa labor at employment ng mga karaniwang tao, mataas na presyo ng mga bilihin at mga demographic factors.

    Sinabi pa ng PIDS na dahil sa pagtatayang ito kaya patuloy na binibigyan pansin ng ASEAN community ang development gaps ng mga miyembrong bansa. Patuloy din ang paghahatag ng ASEAN ng mga bagong roadmap patungo sa pagkakamit ng tinatawag na Sustainable Development Goals (SDGs).

    Para talakayin ang susunod na hakbang kaugnay ang SDGs sa regional at sub-national levels, ang ASEAN Secretariat, sa pakikipagtulungan ng China at United Nations Development Programme (UNDP) at ng Ministry of Foreign Affairs at International Cooperation ng Cambodia, ay nagdaos ng ASEAN-China-UNDP Symposium on Localising Sustainable Developmen Goals (SDGs) at Realising Poverty Eradication noong ika-20 hanggang 21 ng Augusto sa Siem Reap, Cambodia.

    Nahatag ng 17 SGD target sa symposium na ito para magsilbi ring panawagan sa mundo na tapusin na ang kahirapan at pangalagaan ang ating planeta upang matiyak na ang lahat ay magtatamasa ng kapayapaan at karangyaan.

     

    BD Admin: You think your friends gonna be interested in this piece? If you do, kindly share it. Thanks.

    No Comments "

    Isa sa tatlong holdaper todas sa mga pulis Kyusee

    August 22nd, 2018

    Ni Santiago Celario

    NAPATAY ang isa sa tatlong pinaghihinalaang holdaper matapos umano itong makipagbarilan sa mga tumutugis na pulisya sa Quezon City nitong Miyerkoles ng madaling araw.

    Hindi pa nakikilala ang napatay hanggang sa mga sandaling ito bagamat inilarawan ng mga awtoridad na ito ay nasa 40 hanggang 45 anyos ang edad, maganda ang pangangatawan, mga 5’7” ang taas, may mga tatong “Bat” sa kanang balikat at “Tribal” sa kanang pulso. Bukod dito ay nakasuot ng puting shorts at t-shirt ang napatay.

    Ayon kay P/Supt. Rossel Cejas, hepe ng Quezon City Police District (QCPD) Station 4 (Novaliches), naganap ang insidente ilang sandali makalagpas ang hatinggabi sa harap ng GSN Laboratory sa kahabaan ng Reliance Street, Barangay Nagkaisang Nayon, Novaliches. Sinabi niya na bago maganap ang barilan ay humingi ng tulong sa kanila si Edgardo Sugayan Montinola Jr., isang taxi driver at residente ng Meycauayan, Bulacan.

    Bukod sa hinoldap ay tinangay pa ng tatlong holdaper ang taxi ni Montinola, paliwanag ni Cejas.

    Agad namang nagsagawa ng follow-up operation ang mga taga-Station 4 at naglatag ang mga ito ng checkpoint sa pag-asang masasabat nila ang ninakaw na taxi cab. Hindi nga nagtagal at naispatan ang kinarnap na taxi at tinangka nilang parahin ito.

    “Pero sa halip na huminto ay pinaharurot ng driver nito ang taxi kaya hinabol ito ng mga tauhan ko at nagkaroon ng ‘running gun battle,’” dagdag ni Cejas.

    Napatay ang isa sa mga holdaper habang nakatakas naman ang dalawang kasamahan nito.

    Maliban sa taxi cab, nabawi mula sa napatay ang PhP700 na hinoldap mula kay Montinola, ang isang kalibre .38 na revolver; mga basyo ng 9 mm na pistola at limang sachet ng hinihinalang shabu sa lugar na pinangyarihan ng barilan.

    Positibo ring kinilala ni Montinola ang napatay bilang isa sa tatlong humoldap sa kanya at tumangay ng kanyang minamanehong taxi.

    Sa kasalukuyan ay patuloy pa ring pinaghahanap ng pulisya ang dalawang kasama ng napatay.

     

    BD Admin: You think your friends gonna like this piece? If you do, kindly share it. Thanks.

    No Comments "