Lolo na umano ay drug den maintainer, huli.

Ni Santiago Celario

QCPD Director joselito Esquivel Jr. Photo © YouTube/Radyo Pilipinas 738

DINAKIP ng pulisya ang isang lolo na umano ay drug den maintainer at apat na iba pa sa isang buy-bust operation sa Quezon City nitong Lunes ng gabi.

Kinilala ni Quezon City Police Department Director Chief Superintendent Joselito Esquivel Jr. ang 67 taong gulang na suspek na si Francisco Pajola. Kasama niyang nadikip sina Adrian Bravante, 28; Albert Conge, 42; Wilmar Macalos, 42; at John Hordonez, 52.

Nasamsam mula sa kanila ang ilang sachet ng pinaghihinalaang methamphetamine hydrochloride o shabu, mga drug paraphernalia at ang pera na ginamit sa buy-bust.

Sinabi pa ni Esquivel na dinakip ng mga operatiba ng QCPD Drug Enforcement Unit ang mga suspek mga bandang 9:45 ng gabi sa bahay mismo ni Pajola sa No. 043 Area 6, Barangay Botocan, QC matapos silang makatanggap ng ulat na may nag pa-pot session sa nasabing bahay.

Para maikasa ang operasyon at mabasyo ang mga suspek ay nagpanggap ang isang pulis na mamimili ng droga mula sa kanila. Matapos maiabot ang shabu ay nagpakilala ang posuer buyer na pulis, dahilan para magtangkang tumakas ang mga suspek.

Gayon man sila ay nakuwelyuhan ng mga nakapaligid na alagad ng batas sa bahay ni Pajola.

Kasalukuyang nakapiit sa QCPD-DEU ang mga suspek habang inihahanda ang kaukulang kasong kriminal laban sa kanila.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.