Bulkang Mayon nag-aalboroto muli

Ni Santiago Celario

FILE PHOTO: Clouds partially covers the Mayon volcano © Erik de Castro / Reuters

MULING nag-alboroto ang Bulkang Mayon nitong Linggo ng umaga.

Ayon sa Philippine Institute of Volcanology and Seismology (Phivolcs) nakapagtala sila nang apat na mahihinang lindol sa paligid ng bulkan. Idinagdag pa nila na kasalukuyang nagbubuga rin ito ng puting usok, tanda ng mga pagkilos sa ilalim ng lupa.

Nakataas ngayon ang Alert Level 2 sa paligid ng nagaalborotong bulkan.

Kaugnay nito ay pinaalalahanan ng Phivolcs ang publiko at mga lokal na pamahalaan na kung sakaling pumutok muli ang Mayon ay tiyak na magkakaroon ng kaakibat na pagguho ng lupa’t lava at magkakaroon din ng ash fall sa paligid.

Sinabi pa ng ahensya na patuloy na ipinagbabawal ang pagpasok ng sino man sa loob ng anim na kilometraheng radius na itinalagang Permanent Danger Zone (PDZ) ng Mayon. Samantala, pitong kilometraheng PDZ naman ang itinalaga ng Phivolcs sa timog-timog kanlurang bahagi ng bulkan hanggang sa silangan at hilagang-silangang sektor ng Mayon mula sa Anoling, Camalig hanggang Sta. Misericordia at Sto. Domingo, Albay dahil sa patuloy na bantang pagsabog nito.

Ang mga residente na naninirahan malapit sa PDZ ay pinayuhan na maging mapag-matyag at maingat.

Pinaalalahanan din ng Phivolcs ang Civil Aviation Authority of the Philippines na sabihan ang mga piloto na iwasan ang Mayon na itinuturing na isang active volcano. (Read More: http://beyonddeadlines.com/2018/02/06/bulkang-mayon-patuloy-na-sumasabog/)

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.