News

Mabuting serbisyo ng tubig ipinangako ng Maynilad

Ni Santiago Celario

Water concessionaire Maynilad’s logo is seen in Phil. Star file combo image.

TINIYAK ng Maynilad Water Services Inc. nitong Lunes na masusuplayan nang malinis na tubig ang mga residente ng Lungsod ng Valenzuela at Imus, Cavite na dumedepende sa mga balon o deep wells.

Ito ang napagalaman makaraang ipahayag ng Maynilad Water ang paglalaan nito ngayong taon nang PhP743 milyong para sa mga bagong pumping stations at reservoirs (PSR) upang maserbisyuhan ang mas nakararaming customer.

We in Maynilad have made it our mission to improve the living conditions of our customers through better water access. Hence, we keep investing in the infrastructure enhancements needed to connect new customers and boost service levels for existing ones,” pahayag ni Maynilad President and Chief Executive Officer Ramoncito S. Fernandez.

Ang itatayong bagong PSR ay magbibigay daan para mapalakas ang water pressure para sa tinatayang 87,000 kabahayan. Dahil din dito ay madadagdagan pa nang isang milyong kabahayan ang network ng kumpanya.

Ang mga bagong PSR ay itatayo sa Valenzuela at Muntinlupa. Magbubunga ito ng combined water storage capacity na 75 milyong litro na bukod sa magreresulta sa mas malawak na koneksyon ay magiging daan din upang bumuti ang suplay ng tubig sa mga customers.

Ang naturang mga PSR ay bubuuin ng high-efficiency pumps na magtataas sa water pressure mula sa kasalukuyang 7 psi (pounds per square inch) ay aabot ito sa 16 psi para sa 22,000 kabahayan sa mga barangays ng Maysan at Gen. T. de Leon sa Valenzuela, at sa Lungsod ng Imus.

 

Santiago Celario
Si Santiago Celario ay isang batikang manunulat ng mga balita sa wikang Pilipino. Nagtapos siya ng kursong Agham Pampolitika (Political Science) sa Pamantasang Manuel Luis Quezon noong 1989 at nakakuha ng sertipikasyon sa Pamamaraan ng Pagtuturo sa nasabi ring pamantasan ng sumunod na taon. Sa kasalukuyan, maliban sa Beyond Deadlines, ay nagsusulat si Santiago sa iba't ibang pahayagang tabloid sa Kalakhang Maynila.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.