News

Balay Silangan rehabilitation program inilunsad ng PDEA

Ni Santiago Celario

Balay Silangan MoU signing at the PDEA Headquarters in Quezon City (April 25, 2018)

INILUNSAD ng Philippine Drug Enforcement Agency ang “Balay Silangan,” isang community-based na rehabilitation program para sa mga nalulong sa bawal na gamot upang sila ay makapagbagong buhay sa lalong madaling panahon.

Bukod sa pagbibigay pagkakataon sa mga nabiktima ng bawal na gamot na makapagsimula muli, sinabi ni PDEA Director General Aaron Aquino na bahagi rin ng programa ang pagtatayo ng mga pansamantalang shelter para sa kanila.

The program is reformatory in nature. It is an alternative intervention for drug personalities who are not users and are not eligible to undergo medical treatment and rehabilitation in facilities supervised by the Department of Health (DOH),” paliwanag ni Aquino.

Idinagdag pa ni Aquino na ang naturang programa ay inaprubahan ng Dangerous Drugs Board (DDB) sa ilalim ng Regulation Number 2, Series of 2018. Ang Balay Silangan ay pormal na inilunsad ng mga opisyal ng PDEA at miyembro ng Balay Silangan Program National Oversight Committee sa isang Memorandum of Understanding signing nitong Miyerkoles sa punong tanggapan ng PDEA sa Quezon City.

Ayon sa Balay Silangan Program National Oversight Committee, unang ilulunsad ang programa sa General Santos City sa Mayo 22, 2018. Susunod naman sa Cabanatuan City (Mayo 24, 2018), sa lalawigan ng Capiz (Mayo 26, 2018) at sa Caloocan City (Mayo 30, 2018).

 

Santiago Celario
Si Santiago Celario ay isang batikang manunulat ng mga balita sa wikang Pilipino. Nagtapos siya ng kursong Agham Pampolitika (Political Science) sa Pamantasang Manuel Luis Quezon noong 1989 at nakakuha ng sertipikasyon sa Pamamaraan ng Pagtuturo sa nasabi ring pamantasan ng sumunod na taon. Sa kasalukuyan, maliban sa Beyond Deadlines, ay nagsusulat si Santiago sa iba't ibang pahayagang tabloid sa Kalakhang Maynila.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.