News

Kontrobersyal na “narcolist” ilalabas na ng PDEA

Ni Santiago Celario

PDEA DG Aaron Aquino

TINIYAK nang Philippine Drug Enforcement Agency na ilalabas nito sa Lunes ang narcolist ng mga opisyal ng barangay na sangkot sa kalakaran ng bawal na gamot sa bansa.

Ito ang ipinahayag nitong Biyernes ni PDEA Director General Aaron Aquino sa isang pulong balitaan. Sinabi niya na ito ang tugon ng ahensya sa malawak na panawagan ng publiko na ilabas ang listahan ng mga barangay officials na sangkot sa pagpapakalat ng illegal na droga upang matalino silang makapagpasya kung sino ang dapat ihalal sa paparating na halalang pambarangay.

Matatandaan na bago nagpasya ang PDEA na ilabas sa Lunes ang narcolist ay nagturuan pa muna si Department of Interior and Local Government (DILG) Assistant Secretary Jonathan Malaya at si Aquino kung sino ang dapat maglabas ng kontrobersyal na listahan na sinasabing “confidential.”

(Basahin Pa: http://beyonddeadlines.com/2018/04/24/confidential-ang-narcolist-pero-pdea-handang-magpangalan-ng-mga-barangay-officials-na-sangkot-sa-droga-kung-iuutos-ni-pangulong-duterte/)

Gayun man ay sinabi ni Aquino na handa ang PDEA na isapubliko ang narcolist kung ito ay ipaguutos ni Pangulong Rodrigo Duterte. Bagamat walang nabanggit kung nagutos nga si Duterte na ilabas ang narcolist ay naniniwala ang mga tagasubaybay na may bumabang kautusan mula sa Pangulo.

Ayon kay Aquino aabot sa 211 pangalan ang kabilang sa validated list ng mga opisyal ng barangay na sangkot sa illegal drugs sa buong bansa. Sinabi pa niya na maaring madagdagan ang mga pangalan sa listahan dahil patuloy pa ang ang isinasagawang “validation report” ng PDEA.

Tiniyak ni Aquino na ang narcolist ng mga barangay official mula sa 287 ng barangay ng bansa ay validated dahil masingsing hinimay ng mga intelligence agency ng pamahalaan, kabilang ang na PDEA.

Santiago Celario
Si Santiago Celario ay isang batikang manunulat ng mga balita sa wikang Pilipino. Nagtapos siya ng kursong Agham Pampolitika (Political Science) sa Pamantasang Manuel Luis Quezon noong 1989 at nakakuha ng sertipikasyon sa Pamamaraan ng Pagtuturo sa nasabi ring pamantasan ng sumunod na taon. Sa kasalukuyan, maliban sa Beyond Deadlines, ay nagsusulat si Santiago sa iba't ibang pahayagang tabloid sa Kalakhang Maynila.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.