News

PDEA dapat ilabas ang listahan ng mga opisyal ng barangay na sangkot sa kalakaran ng droga sa bansa – DILG

Ni Santiago Celario

DILG Asec. Jonathan Malaya during a press conference. Photo by Darren Langit/Rappler

DAPAT ilabas ng Philippine Drug Enforcement Agency ang listahan ng sinasabi nitong 200 puno at kagawad ng barangay na sangkot umano sa kalakaran ng bawal na gamot sa bansa.

Ito ang tugon ng Department of Interior and Local Government (DILG) sa lumalawak na panawagan ng taong bayan na humihiling na pangalanan nang ahensya ang mga opisyal ng barangay na may kaugnayan sa pagpapakalat ng bawal na gamot upang matalino silang makapagpasya kung sino sa ang dapat iboto sa nalalapit na halalang pambarangay.

Ayon kay DILG spokesperson Assistant Secretary Jonathan Malaya nitong Lunes, ang PDEA ay dapat na maglabas ng listahan ng mga barangay official na hinihinalang sangkot sa illegal drugs.

Matatandaan na ipinahayag kamakailan ni PDEA Director General Aaron N. Aquino na aabot sa 287 na barangay captain at kawagad ang hinihinala nilang sangkot sa kalakalan ng illegal droga sa bansa. (Basahin pa sa: http://beyonddeadlines.com/2018/04/11/mahigit-200-puno-at-kagawad-ng-barangay-sa-buong-bansa-sangkot-sa-kalakaran-ng-bawal-na-gamot-pdea/)

Dapat ang PDEA ang maglabas ng drug list ng mga barangay official (Brgy. Captain at kagawad na sangkot sa illegal drugs) dahil sila ang tamang ahensya na dapat magbigay pahayag kaugnay ditopaliwanag Malaya habang nasa isang pulong balitaan.

Sinabi pa ni Malaya niya na may impormasyon siya na maglalabas na ang PDEA sa lalong madaling panahon ng listahan ng mga barangay officials na sangkot sa kalakalan ng bawal na gamot.

Kasabay nito, ipinaalala ni Malaya sa lahat na mahigpit na ipinagbabawal ng batas na gamitin ang pasilidad at likas yaman ng barangay sa mga illegal na aktibidad tulad ng pagbebenta ng illegal na droga.

Santiago Celario
Si Santiago Celario ay isang batikang manunulat ng mga balita sa wikang Pilipino. Nagtapos siya ng kursong Agham Pampolitika (Political Science) sa Pamantasang Manuel Luis Quezon noong 1989 at nakakuha ng sertipikasyon sa Pamamaraan ng Pagtuturo sa nasabi ring pamantasan ng sumunod na taon. Sa kasalukuyan, maliban sa Beyond Deadlines, ay nagsusulat si Santiago sa iba't ibang pahayagang tabloid sa Kalakhang Maynila.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.