Environment News

Bulkang Kanlaon sa Negros muling kumilos

Ni Santiago Celario

(File Photo) Mount Kanlaon. Image © https://en.wikipedia.org

PITONG beses na pagyanig ng lupa bunga ng pag-aalboroto ng Bulkang Kanlaon sa Gitnang Visayas ang naitala ng Philippine Institute of Volcanology and Seismology nitong Huwebes ng umaga.

Ayon sa Phivolcs nasa alert level 2 ang Kanlaon, na mamatagpuan sa isla ng Negros, dahil sa patuloy na pagkilos at pagbubuga nito ng magkahalong maputi’t maitim na usok.

Kaugnay nito ay muling nagpaalala ang Phivolcs sa mga lokal na pamahalaan na nakasasakop sa bulkan at sa publiko na mahigpit na ipinagbabawal ang pagpasok sa loob ng apat na kilometraheng (4 km.) radius ng bulkan dahil ito ay isang Permanent Danger Zone.

Pinagsabihan din muli ng Phivolcs ang Civil Aviation Authority of the Philippines na muling bigyang babala ang mga pilot na iwasang magpalipad ng eroplano malapit sa bunganga ng bulkan dahil sa maaring pagputok nito ano mang sandali.

Sinabi pa ng Phivolcs na patuloy ang pagbabantay ng ahensya sa Bulkang Kanlaon dahil mga sa aktibidad nito.

Santiago Celario
Si Santiago Celario ay isang batikang manunulat ng mga balita sa wikang Pilipino. Nagtapos siya ng kursong Agham Pampolitika (Political Science) sa Pamantasang Manuel Luis Quezon noong 1989 at nakakuha ng sertipikasyon sa Pamamaraan ng Pagtuturo sa nasabi ring pamantasan ng sumunod na taon. Sa kasalukuyan, maliban sa Beyond Deadlines, ay nagsusulat si Santiago sa iba't ibang pahayagang tabloid sa Kalakhang Maynila.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.