Mahigit 200 puno at kagawad ng barangay sa buong bansa sangkot sa kalakaran ng bawal na gamot – PDEA

Ni Santiago Celario

(File photo) PDEA DG Aaron Aquino

UMAABOT sa 287 puno at kagawad ng barangay ang kabilang sa mga personahe na nasa listahan ng Philippine Drug Enforcement Agency na pinaghihinalaang sangkot sa kalakaran ng bawal na gamot sa bansa.

Ayos sa isang pahayag ng PDEA sa isang pulong balitaan nitong Miyerkoles, ang pangalan ng mga opisyal ng barangay na nasa listahan ng PDEA ay nasa listahan na tangan rin ni Pangulong Rodrigo Duterte.

Sinabi ni PDEA Director General Aaron Aquino na katuwang ng PDEA ang National Intelligence Coordinating Agency (NICA) at Intelligence Service of the Armed Forces of the Philippine ISAFP sa pagkukumpirma sa pagkakasangkot sa kalakaran ng illegal na droga ng mga personahe ng barangay na nakalista sa talaan ng kanyang ahensya.

Gayun man ay tumanggi si Aquino na tukuyin ang mga pangalan ng mga opisyal ng barangay na nasa listahan ng PDEA at ng intelligence community ng pamahalaan.

Ginawa ni Aquino ang pahayag pagkatapos nitong lagdaan ang Memorandum of Agreement (MOA) ng PDEA at Philippine Ports Authority (PPA).

Ipinaliwanag ni Aquino na ang naturang kasunduan ay sasawata sa smuggling ng illegal drugs papasok sa ating bayan gamit ang sa mga puerta at pantalan ng bansa.

Under the agreement the two parties are enjoined to continue utmost cooperation and coordination to conduct an intensive and unrelenting campaign against drug smuggling while encompassing the organized and systematic implementation of both the anti-drug and port laws,paliwanag ni Aquino sa mga mamamahayag.

Kasabay nito ay tiniyak ng Aquino PDEA na ang naturang kasunduan ay mabibigay ng ganap na kapangyarihan sa ahensya para masawata ang pagpasok ng illegal drugs sa mga pantalan ng bansa.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.