Umabot sa 38 ang nadakip sa mga anti-illegal drugs operation ng pulisya sa QC

Ni Santiago Celario

(File photo) QCPD Dir. C/Supt. Gullermo Eleazar Photo © gmanetwork.com

UMABOT umano sa 38 pinaghihinalaang tulak ng bawal na gamot ang inaresto ng mga kagawad ng pulisya at Philippine Drug Enforcement Agency sa mga magkakahiwalay na buy-bust operations nitong Lunes sa Lungsod Quezon.

Ayon kay Quezon City Police District Director Chief Superintendent Guillermo Lorenzo T. Eleazar ang mga buy-bust operation ay isinagawa sa mga barangay ng Pasong Tamo, Talipapa, Laloma, Fairview, Anonas at Galas. Idinagdag pa niya na malaki pa rin ang bilang ng mga nadakip sa kabila ng mahigpit na kampanya ng pamahalaan laban sa salot na bawal na gamot.

Ilan sa mga nadakip ay kinilala bilang sila Elmerson Balleras, alyas Wowie, 28, at ang kanyang live-in partner na si Josephine Lumayog, 34, na umanoý pitong buwan buntis. Kilala umano ang dalawang ito bilang talamak na mga drug dealer.

Tatlo pang suspek ang kinilalang sina Benjamin Rios, 24; Almario Bernardino, 51; at Andrean Lamiano,19, pawang residente naman Brgy. Pasong Tamo.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.