Environment News

Mindanao niyanig ng lindol – Phivolcs

Ni Santiago Celario

Image © phivolcs.dost.gov.ph

NIYANIG ng lindol ang ang ilang bahagi ng Mindanao nitong Huwebes ng umaga.

Ayon sa Philippine Institute of Volcanology and Seismology o Phivolcs dakong 11:53 ng maramdaman ang intensity 6 na paguga ng lupa sa Davao Oriental at mga karatig lugar. Idinagdag pa ng ahensya na tectonic ang sanhi ng lindol. Bagamat tumigil na ang paggalaw ng lupa ay may mga inaasahan pa rin na aftershocks.

Walang naitalang napinsala o nasugatan sa insidente, sinabi ng Phivolcs.

Ayon pa sa ulat ng ahensya, naramdaman naman ang intensity 4 na lindol sa Mati City, Tarragona, Lupon at Manay, Davao Oriental, Tagum City.

Habang naitala naman ang intensity 3 na lindol sa Davao City, Cagayan de Oro City, General Santos City at intensity 2 naman ang pagyanig sa Surigao City, General Santos City, Koronadal City, Alabel, Malapatan, Sarangani, Hinatuan at Surigao del Sur.

Samantala, intensity 1 ang naganap na pagyanig sa mga lungsod ng Bislig at Kidapawan.

Santiago Celario
Si Santiago Celario ay isang batikang manunulat ng mga balita sa wikang Pilipino. Nagtapos siya ng kursong Agham Pampolitika (Political Science) sa Pamantasang Manuel Luis Quezon noong 1989 at nakakuha ng sertipikasyon sa Pamamaraan ng Pagtuturo sa nasabi ring pamantasan ng sumunod na taon. Sa kasalukuyan, maliban sa Beyond Deadlines, ay nagsusulat si Santiago sa iba't ibang pahayagang tabloid sa Kalakhang Maynila.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.