Feature Story Grains of Salt

Beyond Deadlines Anniversary Article Series 2018

PARANG kailan lamang nuong magsimulang maghatid ng kaunting kasiyahan, aliw at kakulitan ang Luke Who’s Talking” kalakip ng mga mahahalagang balita dito sa Beyond Deadlines.

Nagsimulang mambasag ng trip si CJ Espiritu, aka Luke Coloco, sa pamamagitan ng kanyang obrang Luke Who’s Talking nuong kasalukuyang nagkakagulo ang Kongreso na maipasa ang Cybercrime Law sa Pilipinas.

Hindi matiis ni Luke na mailabas ang kanyang kakulitan kaya sa pamamagitan ng espasyo sa Beyond Deadlines, ibinuhos niya nang todo ang kanyang lakas upang isiwalat ang mga saloobin na sa tingin niya’y tatatak at pupukaw sa bawat damdamin ng kapwa niya loko-loko.

Isang mensahe lang ang gustong iparating ni Luke sa kanyang mga parokyano sa Ikalawang Taon ng Beyond Deadlines, na sana … ang kanyang mga jokes ay huwag pagtawanan lang … Happy 2nd Anniversary Beyond Deadlines and more power …

Luke Coloco
Si Luke Coloco ay isang sikat na manunulat subalit wala ni isa sa mga myembro ng kanyang pamilya at kaibigan ang nagbabasa sa kanyang obra. Siya ay pinanganak isang taon bago dineklara ni Pangulong Ferdinand Marcos ang Batas Militar kung kailan ang lahat ng kanyang kalahi ay ikinulong sa salang “attempted jaywalking” sa kahabaan ng EDSA. Ayon sa kanyang ina, si Luke ay pinaglihi sa sama ng loob dahil sa kabiguan ng kanyang ama na makabili ng Turon Munggo, Ginatang Munggo at Ginisang Munggo. Dahil sa kabiguan na makabili ng pagkain na may munggo, inisip ng kanyang ama na iyon na ang “Katapusan ng Munggo.” Nagtapos si Luke sa kanyang pag-aaral bitbit ang iba't ibang parangal, kabilang na ang Best in Uniform, May I Go Out Award at Special Award bilang “Pinakamaraming Nabiling Longganisa sa Mga Guro. Ika-sampu rin siya Top 10 Students of Year (dahil sampu lang naman talaga ang bilang nila sa klase nuong panahon na iyon.) Si Luke ay naniniwala sa kasabihang “Mabuti Pa Ang Tanghali, Tapat .. Hindi Gaya Ng Ating Gobyerno.”

One Reply to “Beyond Deadlines Anniversary Article Series 2018

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.