Opinions

Makapigil Hininga

USAPING-BAYAN-LogoINAANTABAYANAN ng madla ang nalalapit na makapigil hininga na pagbubunyag ni Senador Juan Ponce Enrile kaugnay ng Mamasapano massacre scandal na kinasasangkutan umano ni Pangulong Benigno Simeon Aquino III.

Ayon sa mga paunang balita, sinasabi umano ni Enrile na mayroon siyang impormasyon na magpapatunay na alam ni Pangulong BS ang mga madugong kaganapan sa Mamasapano, Maguindanao habang ito ay nagaganap. Ang hindi umano aksidenteng pagbisita ng pangulo sa Zamboanga ay talagang may kaugnayan sa nagaganap na pagmasaker ng mga tauhan ng Moro Islamic Liberation Front sa 44 na miyembro ng Philippine Natonal Police Special Action Force.

Matatandaan na itinanggi ni Pangulong BS na may nalalaman siya tungkol sa pagpapalano ng operasyon ng PNP-SAF sa Mamasapano. Itinanggi rin niya na nagbigay siya ng “stand down order” sa Armed Forces kaya na-massacre ang mga pulis. Kasabay nito ay walang habag na sinisi niya ang mga namatay na pulis dahil palpak umano kaya na-massacre.

Sabi ni Enrile sa mga pahayag nito sa media ay may testigo siya na magpapatunay na hindi totoo ang denial ni Pangulong BS. Abangan natin ang susunod na kabanata.

* * *

Aba, kung totoo na hindi nga alam ni Pangulong BS ang mga samot-sari kaugnay ng mga pangyayari na may kinalaman sa malaki at sensitibong operasyon ng PNP-SAF sa Mamasapano ay wala na tayong maasahan pa sa isang “walang alam na pinuno ng bansa.” Ano pa kaya ang inaantay niya at bakit pa siya nananatili sa poder? Kawawang Filipinas, kawawang bayan.

* * * 

May nagtanong sa akin kamakailan kung may napili na raw ba akong kandidato para sa pagkapangulo ng bansa. Ang sagot ko ay wala pa pero, dagdag ko, ano man ang mangyari ay matagal na akong naniniwala na ang susunod kay Pangulong BS sa Malacañang ay iyong ahente ng neo-liberalismo.

Siya kasi ang magpapatuloy sa pagutay-gutay ng ating ekonomiya para sa mga dayuhang interes. Siya ang laban sa pagtataas ng pension at pagpapalawig pa ng benepisyo na ibinibigay ng gobyerno sa maliliit na tulad natin.

Siya ang tao ng mga neo-liberal na puti dito sa ating bansa. 

Ang mga pananaw sa artikulong ito ay sa sumulat.  Hindi ito ang opisyal na posisyon ng Beyond Deadlines.

-30-

Nelson Flores, J.D., MSCK
A former reporter of the Philippine Daily Inquirer, Manila Standard Today, and a regular columnist of the Metro Manila based daily tabloid newspaper Hataw; Nelson Flores is also the former Senior Associate Editor of the Houston based Fil-Am Press and former anchor of dzXL and dzRJ's weekend talk show Usaping Bayan. Mr. Flores has a Bachelor of Arts in Journalism and Law degrees from the University of Santo Tomas and Adamson University and a holder of a study certificate from the Diocesan House of Studies, Iglesia Filipina Independiente (IFI). He is a Freemason and member of Reagan Lodge 1037 in Houston Heights under the jurisdiction of the Most Worshipful Grand Lodge of Texas and a member of the Missionary Society of Christ the King (MSCK).

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.